Segura de Toro

Segura de Toro

Foto de la plaza

Segura de Toru, eh un pueblinu, situau al norti d'Estremaúra, na provincia de Cazri. Icin argunoh qu'eh d'origin celta, pola cantiá de rehtuh esihtenti, peru mah bien paeci sel d'origin vetón y que lo que toh yamamuh Toru, sea un Verracu. La su ehtensión eh de 15,36 Km2 aprosimámenti i está entri los 4º 13’ de latitú i 5º 36’ de lonhitú, con una altitú aprosimá de 715 metruh.

Ehtandu situau nel cohtau de la sierra yamá "Montih de Trah la Sierra", el su relievi eh montañosu, con'ohcilacionih que van endi loh 420 m. ahta loh 1820 m. del picu mah altu yamau "El Camochu".

Nu tieni falta d'agua, debíu a que tieni muchuh arroiuh, cola Garganta Ancha, comu la prencipá. N'ehta garganta, ai una picina naturá, ande se puen pasá lah tardih calurosah del veranu. El clima eh el tipicu "mediterraneu-suhtropicá", con temperatuah que muan entri loh 6º de meia n'inviernu i loh 24º de meia en veranu; yegandu a mínimah n'inviernu de –4º i masimah en veranu alro de loh 40º.

La cantiá de yuvia meia anuá eh de 986,4 m/m, siendu la epoca mah yuviosa l'inviernu i la mah seca el veranu.

La hormación geológica eh principamenti granítica i la fisiohnomia que manda eh la aehtilihnosa, caratterizá pola presencia de cahtañuh i robledalih, huntu a otrah especih que hadin el matorrá, comu el brezu, el piornu, loh carabonih, etc.

La cantiá de henti en Segura de Toru, a sufriu bandazuh, debiu en parti al fluhu migratoriu, provocandu esti fenominu, un gran envehecimientu (el 24’3% son maiorih). El masimu d'abitantih hué en 1910; aluego comenzó una caía, yegandu a perdel ehti pueblu ahta 1991, mah de la metá de la su henti.

Ehti eh el recuentu que hadi el INE:

AÑO191019201930194019501970199020002011
POBLACION473416403454458249232205196

Comu se pué apreciá la caia a siu mu huerti i asina paeci que va a deseguí.

Agora, paeci sel que ai una cosa llamá "Plan de Ordenacion Municipal" i como quiera que en leyendu esu, moh imahinamu un dehbarahuhte monumentá, argunuh vemuh decidiu arehuntarmuh pa prencipiá a luchá po la defensa del nuestru pueblinu, pa que siga siendu un pueblinu de sierra y no s'echi a perdel po la equivocacionih de algotroh.